Bókasafn Hrunamanna - Enter your slogan here
Heimasíða Bókasafns Hrunamanna
Úrslit í Bókaverðlaun barnanna 2012
Miðvikudagur, 02. maí 2012 16:33
Í bókasöfnum landsins fer árlega fram val á bestu barnabók ársins og voru úrslit á landsvísu kunngerð við hátíðlega athöfn í aðalsafni Borgarbókasafns Reykjavíkur á sumardaginn fyrsta.
Bókaverðlaun barnanna eru til þess ætluð að vekja athygli á bókum fyrir börn og unglinga, auka áhuga barna á bókum og sýna bókvali barnanna sjálfra virðingu.
Skemmtibók Sveppa og Dagbók Kidda klaufa : Ekki í herinn! voru þær bækur sem 6-12 ára börn á Íslandi völdu sem bestu barnabækurnar sem gefnar voru út árið 2011. 
Skemmtibók Sveppa inniheldur leiki, gátur og ýmsar upplýsingar úr fórum leikarans Sveppa, Sverris Þórs Sverrissonar.
Dagbók Kidda klaufa : Ekki í herinn! er eftir Jeff Kinney, Helgi Jónsson þýddi bókina. Þetta er þriðja bókin um Kidda klaufa sem er engum líkur!
Bókasafn Hrunamanna dró þrjá heppna þátttakendur úr potti þátttökuseðla og fengu þau bókaverðlaun. Það eru þau:
Til hamingju krakkar og takk kærlega fyrir þátttökuna 
Síðast uppfært: Mánudagur, 07. maí 2012 11:22
Leikskólaheimsóknir á vorönn 2012
Þriðjudagur, 24. apríl 2012 13:54
Nú eru komnar inn myndir sem teknar voru í febrúar og mars þegar leikskólabörn komu í heimsókn á bókasafnið. Eins og sjá má á myndunum eru börnin afar áhugasöm um að skoða bækurnar og svo er líka stundum teiknað og spilað. Í lok hverrar heimsóknar er svo alltaf sögustund þar sem lesnar eru 2-3 sögur. Takk kærlega fyrir komuna í vetur krakkar og vonandi sjáumst við á bókasafninu í sumar 
Síðast uppfært: Miðvikudagur, 25. apríl 2012 16:25
Fleiri greinar...
Síða 1 af 16